Kapitulli 10 nga 15

Backup-et

Si të lidhni hapësirën tuaj të ruajtjes (Amazon S3, Cloudflare R2, Wasabi etj.) dhe ta zgjidhni për backup-et e faqes në panelin e hostingut.

Në këtë udhëzues
  1. Si funksionon
  2. Cilat shërbime ruajtjeje mbështeten
  3. Çfarë ju duhet para se të filloni
  4. Shtoni një llogari ruajtjeje
  5. Zgjidheni për faqen tuaj
  6. Zakone të mira

Një backup është një kopje e plotë e faqes suaj, që e përdorni për ta rikthyer nëse diçka shkon keq. Në AppAlbania Host backup-et shkruhen në një hapësirë ruajtjeje që e zotëroni ju, ndaj kopjet janë gjithmonë nën kontrollin tuaj.

Si funksionon

Procesi ka dy hapa:

  1. Shtoni një llogari ruajtjeje (një "provider") te faqja Backup storage e panelit.
  2. Zgjidhni atë llogari te cilësimet e backup-it të faqes suaj.

Paneli e përshkruan kështu: "Your backups are written to storage you own. Add an account below, then choose it in a site's backup settings." Domethënë: backup-et ruhen në hapësirën tuaj; shtoni një llogari dhe pastaj zgjidheni te faqja.

Cilat shërbime ruajtjeje mbështeten

Mund të përdorni një nga këto shërbime ruajtjeje në cloud:

  • Amazon S3
  • DigitalOcean Spaces
  • Cloudflare R2
  • Wasabi
  • Google Cloud Storage
  • Custom (S3 Compatible) – çdo shërbim tjetër që punon me standardin S3.

Llogarinë e hapni vetë te shërbimi që zgjidhni. Aty krijoni një "bucket" (një dosje ruajtjeje në cloud) dhe një çelës aksesi. Çelësi ka dy pjesë: Access Key ID (si emër përdoruesi) dhe Secret Access Key (si fjalëkalim).

Krijoni një çelës aksesi të veçantë vetëm për backup-et, me leje vetëm për bucket-in e backup-eve. Kështu, nëse çelësi rrjedh ndonjëherë, pjesa tjetër e llogarisë suaj mbetet e sigurt.

Çfarë ju duhet para se të filloni

  • Një llogari aktive te një nga shërbimet e mësipërme.
  • Një bucket i krijuar vetëm për backup-et e kësaj faqeje.
  • Një Access Key ID dhe një Secret Access Key me leje shkrimi dhe leximi në atë bucket.
  • Për Custom (S3 Compatible): të dhënat e lidhjes që ju jep shërbimi juaj.

Secret Access Key zakonisht shfaqet vetëm një herë, kur e krijoni. Kopjojeni menjëherë.

Shtoni një llogari ruajtjeje

  1. Nga host.appalbania.com/account klikoni Hyr në panelin e hostingut.
  2. Hapni faqen Backup storage.
  3. Klikoni Add New Provider.
  4. Te Select Provider zgjidhni shërbimin tuaj, p.sh. Cloudflare R2.
  5. Plotësoni Name (një emër që e njihni, p.sh. "Backup-et e faqes"), Access Key ID dhe Secret Access Key.
  6. Klikoni Add Provider.
Formulari Add New Provider me listën e shërbimeve të ruajtjes
Backup storage → Add New Provider: zgjidhni shërbimin dhe vendosni çelësat.

Zgjidheni për faqen tuaj

  1. Në panel hapni faqen tuaj dhe shkoni te Backups.
  2. Te cilësimet e backup-it zgjidhni llogarinë e ruajtjes që sapo shtuat.
  3. Ruani ndryshimet.

Nëse faqja Backups shfaq "No backup providers found", do të thotë se ende nuk keni shtuar asnjë llogari ruajtjeje. Klikoni Add Backup Provider dhe ndiqni hapat e mësipërm.

Faqja Backups e një faqeje në panelin e hostingut
Faqja Backups e faqes suaj.

Zakone të mira

  • Bëni një backup para ndryshimeve të mëdha: para përditësimit të WordPress, ndërrimit të temës ose instalimit të një shtojce të re.
  • Kontrolloni herë pas here që backup-et e reja po shfaqen në bucket-in tuaj.
  • Mos e fshini llogarinë e ruajtjes dhe mos e ndryshoni çelësin pa e përditësuar edhe në panel, përndryshe backup-et nuk shkruhen dot.
  • Ruajini çelësat në një vend të sigurt, p.sh. në një menaxhues fjalëkalimesh. Mos i dërgoni me email.
  • Kontrolloni kostot te shërbimi i ruajtjes. Faturimin e hapësirës e bën shërbimi që keni zgjedhur, jo AppAlbania Host.

Backup-et ruhen në llogarinë tuaj. Nëse e mbyllni atë llogari ose fshini bucket-in, kopjet humbasin bashkë me të.

Për më shumë këshilla lexoni udhëzuesin për backup-et e WordPress.

Keni nevojë për ndihmë? Nëse nuk jeni të sigurt cilin shërbim të zgjidhni ose si të krijoni çelësat, na shkruani te mbështetja.